O Festival Internacional de Música Clásica clasclás realizou a súa VII edición novamente no verán de 2024 baseándose no vertixinoso e consolidado éxito obtido polo certame ao longo dos seis últimos anos, acadando os 5.000 asistentes na derradeira edición do ano 2023. O festival celebrouse dende o venres 21, coincidindo co Día Internacional da Música, ata o sábado 29 de xuño de 2024.
O festival celebrouse dende o venres 21, coincidindo co Día Internacional da Música, ata o sábado 29 de xuño de 2024.
Nesta VII edición o Festival rendeu homenaxe ao papel da muller na historia da música, e así o reflexa a imaxe deste ano baixo o lema “Andante”:
Á gran e lexendaria pianista Elisabeth Leonskaja, que inaugurou o festival e fixo doblete nun segundo concerto xunto a Hannah Kandinsky, sumáronse Judith Jáuregui, Judith Bardolet e as 36 mulleres profesionais da música componentes de Vocalia Taldea; tamén as tres componentes do Cuarteto Novecento, Ildikó Oltai, Irina Gruia, Ioana Ciobotaru; ás novas compositoras Paula Olaz y Eva Ugalde das que escoitaremos as súas obras na clausura do clasclás; as dúas vicepresidencias, o equipo directivo e unha importantísima parte do equipo de producción e xestión do festival; as profesoras do programa Pedagóxico como Mairead Hickey, as pianistas acompañantes do Programa a pé de rúa e todas as alumnas que participaron nos catro programas que completaron o Festival.
Elisabeth Leonskaja está en posesión das máximas honras artísticas a nivel internacional. Falamos dunha artista que escalou ata alturas acadadas polos máis grandes, non só dehoxe, senón de toda unha época. Artista única e lexendaria que realizará un fantástico percorrido pola historia do piano dos séculos XVIII a XX no concerto inaugural desta VII edición.
Adolfo Gutiérrez é un cellista español de recoñecida e ampla traxectoria. Malcolm Martineu ven de desenvolver unha longa carreira no campo de acompañamento vocal, acadando a Orde do Imperio Británico pola súa contribución aos novos intérpretes. Interpretarán un repertorio de enorme beleza e profundidade artística.
Elisabeth Leonskaja volveu a subirse ao escenario do clasclás na compaña do prometedor Cuarteto Kandinsky, ao que amadrina desde hai tempo, para interpretar dous monumentais quintetos para piano e corda. O contrabaxista Dominik Wagner se sumará a eles no Quinteto “A troita”.
Judith Jáuregui e o Cuarteto Gerhard forman xa unha unión estable no tempo. Judith, de impecable interpretación, repite no clasclás por segunda vez. O Cuarteto Gerhard está considerado como un dos máis destacados da súa xeración. Con eles faremos unha homenaxe conxunta á música española e a tradición checa.
Josef Špaček está considerado un dos mellores violinistas checos de hoxe en día polo seu puro ton, e coidado rexistro grave. Miroslav Sekera ten sido galardoado internacionalmente en diversos concursos de piano. Forman dúo estable desde hai anos e con eles celebraremos o ano da música checa.
Vocalia Taldea é un proxecto no que se cristalizan as procuras e inquietudes dun grupo de mulleres profesionais da música do País Vasco. A súa aposta céntrase na firme intención de ser un grupo vocal estable que acceda a un repertorio que, por cuestións de esixencia musical e vocal, non adoita interpretarse habitualmente.
De lo humano y lo divino…
O ‘Programa Masterclasses’, un proxecto educativo do festival no que participan alumnos do Conservatorio Profesional de Música de Vilagarcía e doutros centros de Galicia, tivo como profesores aos propios artistas: Marek Kozák, Azahar Ensemble, Guarneri Trio de Praga e The Ritirata. Unha selección de alumnos participantes no programa actuou xunto ao Trío Guarneri de Praga o pasado 1 de xullo no Pazo de Rubianes de Vilagarcía.
Nesta VI edición, a oferta completouse co novo Programa Clasclás A Pé de Rúa (Ao pé da Rúa) no que actuaron por prazas e rúas de Vilagarcía diferentes grupos do Conservatorio Profesional e da Escola Municipal de Música, participando en as clasclás a toda a poboación da cidade.
Apostamos polo querido Programa Social e Comunitario, deseñado para mostrar a música clásica os diferentes colectivos da nosa sociedade que por diferentes motivos ou causas non teñen facilidades suficientes para achegarse a ela, e que tantas alegrías provocou a todos os que participan no clasclás, asistentes, participantes e organizadores, evento imprescindible para o festival. Son preto de 400 espectadores de capacidades diferentes pertencentes e máis de vinte as asociacións e colectivos que participan cada ano neste programa.
